- Back to Home »
- Atbaf Abrak , Best Urdu Poetry , Dasht-e-Tanhai , Gham , Ghazal , Ishq »
- کیسا میں ہم سفر تمہارا ہوں.... اتباف ابرک
Saturday, September 23, 2017
کیسا میں ہم سفر تمہارا ہوں
ساتھ ہوں منتظر تمہارا ہوں
مجھ سے پوچھا مرا تعارف جو
کہہ دیا مختصر تمہارا ہوں
خود جو ٹوٹا تجھے بنانے میں
میں وہی کوزہ گر تمہارا ہوں
ہو سکے تم نہ میرے پل کے لئے
اور میں عمر بھر تمہارا ہوں
سایہ میرا تو میرے بس میں نہیں
پر ہے وعدہ شجر تمہارا ہوں
ہم کو منظور ہر قیامت ہے
وہ جو کہہ دے اگر تمہارا ہوں
روک رکھا ہے ایک صحرا نے
ضد کرے میں ہی گھر تمہارا ہوں
تم تو دنیا کے ہوگئے ابرک
اور میں بے خبر تمہارا ہوں
...
ReplyDelete