Showing posts with label Best Urdu Poetry، Urdu Font. Show all posts
صدیاں لگیں انسان کو جس علم کی خاطر..... اتباف ابرک
صدیاں لگیں انسان کو جس علم کی خاطر
دو وقت کی روٹی نے وہ پھر چھین لیا ہے
اپنی تھی دہائی کہ ہوا گھر میں اندھیرا
ایسی ہوئی شنوائی کہ گھر چھین لیا ہے
صدیوں کی مشقت نے جو سایہ تھا خریدا
اس دور نے ہم سے وہ شجر چھین لیا ہے
کہتے ہیں کہ جینا ہے تو جنگل کو ہی چلئے
انسان سے حیواں نے نگر چھین لیا ہے
تھا حکمِ خدا ظلم میں کر جاوں میں ہجرت
تہذیب کے زنداں نے سفر چھین لیا ہے
ہر شے میں نظر آتی ہے اب ایک سیاہی
اس رات نے رنگوں کا ہنر چھین لیا ہے
ابرک یہ شکایت نہیں بس رب سے ہے فریاد
کاہے مری دعاوں سے اثر چھین لیا ہے
اتباف ابرک
Posts
