Showing posts with label کلیات ساحر لدھیانوی، اردو شاعری، بہترین اردو غزل، اردو غزلیں. Show all posts
Urdu Ghazal by Aslam Fareedi - روشنی یوں تو مرے گھر میں ہوا کرتی ہے
اسلم فریدی کی ایک خوبصورت غزل آپ سب کی نظر کرتا ہوں، امید کرتا ہوں پسند آئیگی۔ شکریہ
روشنی یوں بھی مرے گھر میں ہوا کرتی ہے
خون کی بوند سے قندیل جلا کرتی ہے
تو نے پوچھا نہ کبھی شعلہء نمناک کا حال
آتش اشک میں کیوں آنکھ رہا کرتی ہے؟
ظلمت شب سے ابھرتی ہوئی چیخیں تو سنو
یہ وہ آواز ہے جو حشر بپا کرتی ہے
جب گزرتا ہوں محبت کے شبستانوں سے
اس کی خوشبو مجھے پہچان لیا کرتی ہے
چوٹ ہے دل کی مگر آنکھ کو روتے دیکھا
کون مجرم ہے سزا کس کو ملا کرتی ہے
اپنے دروازے پہ تختی تو کوئی نصب کرو
گھر کی دیوار مکینوں سے گلہ کرتی ہے
اچھے وقتوں پہ فریدیؔ نہ کبھی ناز کرو
آزمائش کبھی یوں بھی تو ہوا کرتی ہے
شاعر: اسلم فریدیؔ
انتخاب کلیات ساحر لدھیانوی Kulyaat e Sahir Ludhyanvi se Intikhab - 2
یکسوئی
عہد گم گشتہ کی تصویر دکھاتی کیوں ہو؟
ایک آوارۃ منزل کو ستاتی کیوں ہو؟
وہ حسیں عہد جو شرمندۃ ایفا نہ ہوا
اس حسیں عہد کا مفہوم جتاتی کیوں ہو؟
زندگی شعلئہ بے باک بنا لو اپنی
خو کو خاکستر خاموش بناتی کیوں ہو؟
میں تصوف کے مراحل کا نہیں ہوں قائل
میری تصویر پہ تم پھول چڑھاتی کیوں ہو؟
کون کہتا ہے کہ آہیں میں مصائب کا علاج
جان کو اپنی عبث روگ لگاتی کیوں ہو؟
ایک سرکش سے محبت کی تمنا رکھ کر
خود کو آئین کے پھندوں میں پھنساتی کیوں ہو؟
میں سمجھتا ہوں تقدس کو تمدن کا فریب
تم رسومات کو ایمان بناتی کیوں ہو؟
جب تمھیں مجھ سے زیادو ہے زمانے کا خیال
پھر مری یاد میں یوں اشک بہاتی کیوں ہو؟
کلیات ساھر لدھیانوی
SAHIR LUDHYANVI POETRY
انتخاب کلیات ساحر لدھیانوی Kulyaat e Sahir Ludhyanvi se Intikhab - 1
رد عمل
چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں
Sahir Ludhyanvi - شاعر ساحر لدھیانوی
کلیات ساحر لدھیانوی سے انتخاب
Posts
